Finoana

Partagé sur :
• facebook

Mitombo hatrany ireo olona mamoy ny ainy vokatry ny areti-mandoza Coronavirus maneran-tany, antony mampikorontana izao tontolo izao.

 Mbola tsy nahenoana tranga anefa teto Madagasikara noho ny famindram-pon’Andriamanitra antony nanaovan’ny filohan’ny Fiangonan’i Jesoa Kristy eto Madagasikara ny mpitandrina Irako Andriamahazosoa Ammi  antso avo omaly. Mangataka amin’ny fiangonana rehetra izy mba hanokana fotoana hivavahana ao anatin’ny fotoam-pivavahana isaky  alahady na ny andavan’andro, hisaorana an’Andriamanitra sy hibebahana. Tafiditra ao anatin’io vavaka io  ny hiarovan’Andriamanitra hatrany ny firenena sy ireo havana miparitaka maneran-tany miaina ao anatin’ny tebiteby. Entina am-bavaka ihany koa ireo tompon’andraikitra eran-tany mba hotoloran’Andriamanitra saina ny amin’izay tokony hataony ho fisorohana ny aretina sy hahitany vahaolana, indrindra fa ireo mpitsabo manam-pahaizana. Tsy tokony hohadinoana hoy izy ireo mpiasan’ny fahasalamana izay mifanerasera mivantana amin’ireo  marary. Tahiriny  hitalaho famindram-po ho an’izao tontolo izao ny fiangonana rehetra ary mitondra am-bavaka ny vahoaka tsy vaky volo mba hanaraka am-pahendrena ny toromarika rehetra omena azy. Nomarihiny manokana moa  fa ao anatin’ny vanim-potoanan’ny karemy isika  izao ka tokony samy tokony handini-tena sy hibebaka ny rehetra. Ny tenin’Andriamanitra voasoratra ao amin’ny Amosa toko 4 andininy fahafolo no namehezany izany. Nampahery ny rehetra izy taorian’izany  fa mbola Tompon’ny fahefana any an-danitra sy ety an-tany ihany Jesoa Kristy ka tsy ny aretina na ny herim-pahafatesana akory no tompon’ny teny farany fa Jesoa Kristy nitsangana tamin’ny maty no sady efa nitondra ny rofintsika.

Pati

Tia Tanindrazana

Samia mijoro ho an'i Gasikara.