Fikaonandoham-pirenena Kristianina

Nivoaka omaly hariva ny fehinkevitra

Finoana
Alatsinainy 24 Novambra 2025

Nivoaka omaly hariva ny fehinkevitra mikasika

ny fikaonandoham-pirenena Kristianina notontosaina nandritry ny 3 andro tetsy amin’ny ISTS Mandrimena Iavoloha. «Madagasikara ho an’i Kristy, Kristy ho an’i Madagasikara» no vina napetraka tao anatin’izany. Fakankevitra nandraisan’ny fokontany, distrika, kaominina, nasionaly anjara izy ity, hoy ny fanamarihana. Manana ny soatoavina mampiavaka azy ny Kristianina manerana izao tontolo izao. Tanjona iombonana ny fampandrosoana ny firenena malagasy amin’ny alalan’ny fampanjakàna ny fahamarinana, fitiavana, fahavononana, asa tsara. Tsiahivina fa vahoaka Kristianina eto no resaka fa tsy anaram-piangonana na anaram-pivavahana. Fitiavana sy firaisankina, araka izay voasoratra ao amin’ny Baiboly, ao amin’ny bokin’i Jaona 16 : 21, no tanjona voalohany. Fahavononana hiasa amin’ny fitiavana, araka ny voasoratra ao amin’ny Galatianina 4 no andrasana. Fampandrosoana ny toekarena, politika, sosialy, tontolo iainana mifanaraka ny soatoavina Kristianina, fampandriana fahalemana, fampandrosoana ny fanabeazana, fampiasàna ny tekinolojia amin’ny mahasoa ny firenena, ireo no isan’ny nivoitra tanatin’izay fehinkevitra novakiana omaly izay, hoy hatrany ny fampitàm-baovao voaray.
Nangonin’i J. Mirija