Finoana

Fikambanana Mampiely Baiboly Malagasy Mamarana ny fandoavana ny trosa ivelany sisa

Finoana
Zoma 20 Aprily 2018

Rehefa nandalo olana ara-bola nandritry ny 1 taona sy tapany ny fikambanana mampiely baiboly malagasy na ny FMBM, hoy ny sekretera jeneraliny, Ny pasitera Hubert Rakotoarivony, dia isaorana an’Andriamanitra fa efa manomboka miarina.

Ny nahagaga dia tao anatin’ireny krizy 2016 ireny mihitsy no tena nampitombo ny mpanjifa. Raha 50.000 isan-taona no lafo dia 80.000 izany tamin’ireny. Ankehitriny dia efa voailika daholo ny trosa anatiny rehetra ary eo am-pamaranana ny fanefana ny trosa ivelany ny fikambanana ankehitriny. Mila beazim-boho kosa aloha hatreto, raha ny fanazavana, io fitantanana anatiny io. Antony mbola nitazonana ny isan’ny mpiasa ho 17 aloha raha 45 teo aloha. Avo 3 heny tamin’ny vitan’ny teo aloha anefa ny vitan’ny ankehitriny, raha ny fanazavany hatrany.

J. Mirija