Finoana

FIDANGAN’NY VIDIM-PIAINANA “Ny fampiakarana ny fiainan’ny olona no vahaolana”

Finoana
Alakamisy 24 Martsa 2022

Tsy misy izay tsy mitaraina ny amin’ny fiakaran’ny vidim-piainana amin’izao ny isan-tokantrano. Voakasik’izany manokana ireo kojakoja ilaina amin’ny fiainana andavanandro na ny PPN.

Naneho hevitra momba izany pastera Heritiana Randriarimalala, filoha mpanorina ny trano fivavahana Vahao ny oloko omaly. Nambarany fa efa voalazan’ny Baiboly hatramin’ny ela fa any am-parany any dia hisy andro maha-ory. Na dia mbola tsy fahoriambe aza no hiainantsika eto Madagasikara hoy hatrany ity pastera ity dia efa misy fiantraikany eo amin’ny fiainantsika ilay fidangan’ny vidim-piainana isan’andro io. Ny fampiakarana ny fiainan’ny olona ihany araka izany no vahaolana hoy ny fanazavany. Ekena hoy izy fa manao ny fanjakana saingy tsy mahita vahaolana no sady tsy afaka. Tsy ampy hoy izy ny fandehanana amin’ny herin’ny tena sy ny fahaizana fa tsy misy afa-tsy ny ao amin’Andriamanitra ihany.
Pati
Legende : Pastera Heritiana Randriarimalala, filoha mpanorina ny trano fivavahana Vahao ny oloko !