Finoana

Fiangonana vahao ny oloko Nivavaka ho an’ny firenena, miantso ny olona hifidy

Finoana
Alatsinainy 03 Desambra 2018

Nivavaka ho an’ny firenena sady nizara fahasoavana tamin’ny mpiara-belona tetsy amin’ny kianjaben’i Mahamasina ny sabotsy lasa teo ny trano fivavahana Vahao ny oloko, notarihin’ny pasitera Heritiana.

Fotoam-pivavahana fanin’efany tamin’ity taona 2018 ity io notontosaina izay ireo io raha teny amin’ny Coliseum avokoa no nanatanterahana ireo telo lehibe teo aloha. Nasain’izy ireo tamin’izany avokoa ireo kandida miisa 36 nilatsaka tamin’ny fifidianana ho filoham-pirenena farany teo mba hizarany fahasoavana saingy tsy nisy tonga noho ny antony maro samihafa. Marobe kosa ireo olona tonga teny an-toerana namaly ny antson’izy ireo. Mila an’Andriamanitra ny Malagasy, hoy pastera Andry Rajaonarivo, indrindra raha handatsa-bato amin’ny datin’ny 19 desambra mba hananan’izy ireny fahendrena sy tolo-tsaina eo am-pandrotsahana izay vaton’ny kandida tokony harotsany. Na izany aza anefa dia tsy nanome toromarika manokana ireo mpino kosa izy ireo fa manentana ny olona mba hifidy ary handatsa-bato ho an’izay kandida tiany sy handrian’ny fony. Ho an’izay kandida mikasa ny hangataka fiaraha-miasa amin’izy ireo moa dia nomarihin’ity pastera ity fa vavaka sy tso-drano no azo omena azy ireny mba hahombiazany.

Pati