Finoana

Fiangonana Vahao ny Oloko Hamolavola ny olony ho tompon’andraikitra kokoa

Finoana
Alatsinainy 28 Aogositra 2017

Tontosa ny sabotsy teo teny amin’ny Coliseum Antsonjombe ilay fotoam-pivavahana lehibe notanterahin’ireo mpino eo anivon’ny fiangonana Vahao ny Oloko

manerana ny Nosy sy ireo avy any ivelany. Fihaonana izay nampirisihina ny mpino mba handrava sakana sy handeha lavitra amin’ny asa fanompoana an’Andriamanitra, hoy ny pastera Andry Rajaonarisoa mpandrindra eo anivon’ny fiangonana sady nanatanterahan’ny fiangonana ny kongresy nasionaliny ihany koa izay nifarana omaly. Tanjon’izy ireo ny hamolavolana ireo solontenan’ny fiangonana eny anivon’ny fokontany sy ny kaominina ary ny distrika mipaka hatreny amin’ny Faritra hahafahana manoro azy ireo ny asa tokony hataony mandrapahatonga ny fifaranan’ny taona 2017 sy ny taona vaovao 2018. Nomarihin’ny pastera Andry manokana fa tsy mieritreritra ny hifaninana amin’ny fiangonana namana hafa izy ireo raha nanao izao hetsika izao satria efa nangataka ny kianjaben’i Mahamasina fa tsy nahazo. Miisa 3.200 ny fiangonana Vahao ny Oloko manerana ny ary 800 ny mpitandrina.

Pati