Finoana

Partagé sur :
• facebook

Matetika no andrenesana fifanandrinana sy tsy fifankahazoan’ny samy mpiangona amina fiangonana samihafa eto amintsika. Noho ny resa-bola amin’ny ankapobeny no miteraka izany.

Tsy iray na roa no ahitana an’io fa tena maro. Fahita ny hoe tsy milamina ny kaonty dia misavoritaka ny rehetra. Mandeha ihany koa ny resaka fifanindriana eo amin’ny samy olon’ny fiangonana. Ekena hoe fifaninanana masina hoenti-manatanteraka ny asan’Andriamanitra, saingy indraindray dia efa tena mivaona sy natao hifampideran-karena mihitsy, ka izay no miteraka fivakisana matetika. Ny fiangonana anefa ity hoe hitondra ny anjara birikiny amin’ny fandaminana ny firenena. Tsy hoe ny mpitandrina na ny mpitarika angamba no tsy mahavita ny asany, fa ny olona mihitsy no efa mihasimba noho ny resa-bola aman-karena. Miainga any amin’ny fiangonana isan-tsokajiny anefa ny fampianarana ny olona tsy ho olon’ny mpandala ny foto-pinoana hitaizana azy fotsiny, fa ho olom-banona sy ho olom-pirenena, ary indrindra ho olon’ny fihavanana. Raha hampiditra resa-politika sy ny mpanao politika isika, dia ny ankamaroany angamba samy miditra any am-piangonana misy azy tsirairay avy any avokoa. Samy mandray sy mihaino ny filazantsara, saingy indrisy fa mbola ny adilahy no manjaka sy mibaiko rehefa mivoaka eo. Lojika raha tsy mety milamina ny firenena satria hatrany am-piangonana aza efa mifandrafy. Mila fahatongavan-tsaina haingana dia haingana !

Toky R

Tia Tanindrazana

Samia mijoro ho an'i Gasikara.