Finoana

Fiangonana Shine “Vavaka ihany no hanavotra ny firenena”

Finoana
Zoma 28 Desambra 2018

Amin’ny sabotsy 29 desambra ho avy izao ny fotoana iarahana amin’ny fiangonana Shine etsy amin’ny Dôme Ankorondrano amin’ny 2 ora sy sasany. Tsy misy ny vidim-pidirana ary misy ny lohahevitra izay mitondra ny lohateny hoe “alaivo ny fitahiana ho anao”.

Nofidiana manokana ity fotoana ity noho izao vanimpotoana mamaivay eto amin’ny firenena izao hamahana ireo karazana olana mety hisy na amin’ny isam-batan’olona aza. Fotoana handraisam-pitahiana sy fanasitranana hikasihan’Andriamanitra ny tsirairay io fotoana io hoy ny Pastora Alberto Ramelijaona. Hisy ny fotoam-piderana miavaka hiarahana amin’ny tanoran’ny Shine sy ny Antsa an’i Kristy. Tokony tsy handingana ny taona 2019 intsony ny ady sy ny olana maro samy hafa satria manankarem-pahasoavana ny Tompo ka fotoana fanafahana izao hoy hatrany Pasitera. Nanentana ny Kristianina ihany koa izy hitondra am-bavaka hatrany ny firenena amin’izao fisavorovoroana misy hiandrasana ny voka-pifidianana tena izy izao satria izany ihany no lalam-panavotana ny firenena.

Tsirinasolo