Finoana

FIANGONANA SHINE Hanatontosa hetsika hankalazana ny faha-10 taona niorenany

Finoana
Alarobia 19 Novambra 2014

Ny taona 2004 no nipoitra ny fiangonana Shine. Ity taona 2014 ity no hankalazan�izy ireo ny tsingerin-taona faha-10 niorenany.

. Hetsika maro sosona no hanokafan’izy ireo izany hanomboka rahampitso alakamisy ka hatramin’ny alahady ho avy izao. Hisantarana izany ny kaonferansa lehibe izay nampitondrainy ny lohateny hoe ”Ny fahatokiana sy ny fahaiza-mandroso”, isa-maraina manomboka 8 ora sy sasany. Vahiny avy any ampitan-dranomasina maro no ho avy hanatrika ny fotoana ankoatra ireo avy any amin’ny faritany. Ankoatra izay dia hisy ihany koa ilay hetsika goavana hatao etsy amin’ny lapan’ny kolontsaina sy ny fanatanjahantena etsy Mahamasina. Tsy misy ny vidim-pidirana saingy ilaina ny fananana karatra fidirana. Fomba roa no hahazoana izany toy ny amin’ny alalan’ny tranonkalan’ny fiangonana na koa ny fandraisana izany eny an-toerana amin’ny fotoana hanaovana ny hetsika.