Finoana

FIANGONANA MANAMBOARA VATSY Hankalaza ny fahafolo taona niorenany

Finoana
Talata 18 Septambra 2018

Feno folo taona sahady ny fiangonana “Manamboara Vatsy”. Fotoan-dehibe no entin’izy ireo hanamarihana izany ny Sabotsy 29 sy ny Alahady 30 Septambra ho avy izao eny amin’ny kianja mitafon’Ankorondrano.

Mandritra izany hetsika izany no hanatanterahana ny fihaonam-ben’ireo mpino ao anatin’ny fiangonana avy amin’ny lafivalon’ny Nosy sy fanosorana « Révérend », Mpitandrina sy Loholona ary fanokanana Mpiandry, Diakona , Misionera. Raha tsiahivina ny tantaran’ny fiangonana dia ny 05 Aogositra 2008 no nananganana azy tao Sabotsy Namehana. Ny evanjeiistra Maminirina Rolland Guy mivady sy mpikambana miisa 33 no angady nananana izany. Taorian’izay dia tafatsangana ihany koa ny fiangonana tao Ambahona, Kaominina Vilihazo. Nisy tao anatin’izany ny fananganana sekoly fampiofanana ho mpitandrina sy misionera mba hahafahana manitatra be be kokoa ny fiangonana. Nanatontosa fandaharana tany anaty onjam-peo tsy miankina ihany koa izy ireo ka vokatr’izany dia efa madiva hanenika ny Nosy ny fiangonana Manamboara Vatsy amin’izao fotoana izao. Antony nisafidianana ny anarana hoe « Manamboara Vatsy » ny fahafantarana fa rehefa hiomana handeha lavitra ny olona iray dia mamehy vatsy, araka ny tenin’Andriamanitra voasoratra ao amin’ny Asan’ny Apostoly 22 : 21.

Pati