Finoana

Fiangonana Loterana Malagasy Nodimandry ny Pastora Dr Rabenorolahy

Finoana
Alarobia 15 Jolay 2020

Nodimandry vokatry ny valanaretina coronavirus Andro vitsy taorian’ny fodiamandrin’ny Filoha am-perinasan’ny Fiangonana Loterana Malagasy (FLM) Pasitora Dr Rakotonirina David ny alin’ny sabotsy 11 jolay lasa teo vokatry ny valanaretina coronavirus,

dia namoy olobe iray indray ny Fiangonana omaly talata 14 jolay. Nodimandry teo amin’ny faha-80 taonany vokatry ny valanaretina covid-19 ihany koa ny Filohan’ny FLM teo aloha Pasitora Dr Rabenorolahy Benjamin, izay nitondra ny fiagonana teo anelanelan’ny taona 1989 hatramin’ny 2004. Notsaboina tao amin'ny Hopitaly Loterana Ambohibao ny Filohan'ny FLM izay efa nisotro ronono izao nodimandry izao. Efa loholon'i Madagasikara, isan’ireo notendren’ny filoha teo aloha Marc Ravalomanana ihany koa ny tenany tamin’ny fotoan’androny. Any Toliara no tena tokony handevenana ny vantana mangatsiakany, saingy noho ny hamehana sy ny fepetra noraisin’ny fitondram-panjakana, dia tsy ho tody any ny vatana mangatsiakany. Hotanterahina anio 15 jolay eny Ambohijanaka, distrikan’Antananarivo Atsimondrano ny fandevenana azy, raha ny vaovao farany azo omaly hariva. Miombona alahelo sy mirary fiononana feno ho an’ny fianankaviany sy ny Fiangonana FLM manontolo isika eto amin’ny Tia Tanindrazana.

Toky R