Finoana

Fiangonana Loterana Malagasy Napetraka tamin’ny toerany ny filoha vaovao

Finoana
Alatsinainy 09 Novambra 2020

Tontosa omaly alahady 08 novambra tao amin’ny Fiangonana Loterana Tsaramandroso Ambony Mahajanga ny lanonana ara-piangonana nametrahana ny Filoha vaovaon'ny Fiangonana Loterana Malagasy (FLM), ny Pasteur Dr Rakotozafy Denis.

Izy hitondra mandritra ny efa-taona ho avy. Nisolotena ny fanjakana foibe, tonga nanome voninahitra ny fotoana, ny Filohan'ny Antenimieram-pirenena, Rtoa Razanamahasoa Christine. Nanatrika izany koa, nitarika ireo manampahefana eto an-toerana ny VPAN Mahajanga, Rtoa Rahantanirina Lalao. Nifarana omaly alahady 08 novambra kosa ny Kômity Synôda Lehibe (KSL) andiany faha-23 nataon'ny Fiangonana Loterana Malagasy, izay nanomboka ny 04 novambra lasa teo.

Toky R