Finoana

Fiangonana Loterana Malagasy Hamatsy fiarovana sy fanampin-tsakafo

Finoana
Sabotsy 04 Aprily 2020

Nanao fanambarana tetsy amin’ny foiben’ny sampana Loterana misahana ny fahasalamana na SALFA Andohalo omaly ny avy eo anivon’ny Fiangonana

Loterana Malagasy na FLM notarihin’ny filohany, ny Pastora David Rakotonirina. Nanamafy ny FLM fa manaja ny fanapahan-kevitry ny fitondram-panjakana mikasika ny mety ho tohin’ny fepetra ho raisina hiadiana amin’ny areti-mandoza, Coronavirus. Ho fandraisana anjara biriky amin’izany ady izany kosa dia hisy ny famatsiana fiarovana sy fanampin-tsakafo ho an’ny mpiara-belona mba hahafaha-misoroka ity valan’aretina ity. Ho aparitaka amin’ireo SALFA na toby loterana manerana ny nosy izany manomboka amin’ity anio ity ahafahana mitsinjara azy, araka izay fandaminan’ny tompon’andraikitra, raha ny fanazavana hatrany.Ankoatr’izay dia tsy voatery hankalazaina amin’ny faha 12 aprily izao ny Paska, hoy ny FLM, fa na amin’ny faran’ny volana aza tsy olana ary efa nataontsika ny toy izany. Nanamafy ny Pastora Davida Rakotonirina fa tsy tokony hampisaraka ny kristianina amin` Andriamanitra ny fihibohana. Aza adino ihany koa, hoy ny filohan’ny FLM fa fotoanan` ny fibebahana izao

J. Mirija