Finoana

Fiangonana Katolika Masiaka amin�ny olana mianjady amin�ny tantsaha

Finoana
Alakamisy 23 Jona 2016

Ny tantsaha no anisan�ny mampihodina ny fiainam-pirenena eto amintsika.

Ny 80%-n’ny Malagasy mantsy dia saika tantsaha mpamokatra avokoa nefa mihavoahitsakitsaka hatrany ny zon’izy ireny ankehitriny. Lohalaharana amin’izany ny resaka fananantany toy ny mitranga any Soamahamanina Arivonimamo ankehitriny. Nasiaka tanteraka ny avy eo anivon’ny fiangonana katôlika omaly raha nandray fitenenana nandritra ilay hetsika hanomezan-danja ny tantsaha eto Madagasikara na ilay antsoina hoe : « Festival des paysans » tanterahina etsy Antanimena. Nambaran’ireo tompon’andraikitra fa tokony hahay handanjalanja ny fahefana nomen’Andriamanitra eo am-pelatanany ny tsirairay. Na dia vovo-tany iray sotro aza mantsy, hoy izy, tsy misy afaka hitondra rehefa tonga ny fotoana hodiana noho izany tsy tokony hanao tsinontsinona ny mpiara-belona isika. Nasiany resaka manokana ny fitondram-panjakana izay tena manao ny tenany ho zavatra tokoa ankehitriny ka tsy mijery afa-tsy ny tombontsoany intsony. Mbola hitohy mandritra ny telo andro ny hetsika raha loabary an-dasy no nisantarana izany omaly.

Pati