Finoana

Fiangonana katolika Diosezy 9 hankalaza ny faha-60 taonany

Finoana
Talata 04 Aogositra 2015

Diosezy miisa 9 no hankalaza ny faha-60 taona nijoroany ankehitriny. Ho fanamarihana izany dia hitarika sorona masina lehibe any Morondava,

toerana hikarakarana ny fankalazana ny Mon Seigneur Savio Hon Tai-Fai izay sekretera jeneraly miandraikitra ny fanaparitahana ny filazantsara eran-tany, indrindra fa aty Afrika eo anivon’ny finoana katolika. Ity Raiamandreny am-panahy ity ihany koa no nandika ny filazantsara masina amin’ny teny sinoa voalohany. Omaly maraina no noraisin’ny praiminisitra Ravelonarivo Jean ity tompon’andraikitra ambony eo anivon’ny fiangonana katolika ity ka nandritra ny fihaonana no nampatsiahivany ny toerana lehibe tazonin’ny fiangonana eto Madagasikara eo amin’ny fanabeazana sy ny eo amin’ny tontolon’ny fahasalamana. Nomarihiny fa efa mahatratra efatra ankehitriny ny oniversite tantanin’ny fiangonana eran’i Madagasikara ka misy izany Antananarivo, Antsirabe, Antsohihy ary tsy ho ela i Antsiranana. Nanotrona ny Mon Seigneur Savio Hon Tai-Fai teny Mahazoarivo ny Pretra Guiseppe Quirighetti izay mpiraki-draharaha eo anivon’ny masoivohon’i Vatikana eto amintsika. Momba ity masoivohon’i Vatikana miasa sy monina eto Madagasikara ity dia efa fantatra ny anarany, hoy ny praiminisitra fa ny fotoana ahatongavany no sisa.

Andry Ratovo