Finoana

Fiangonana FM FOI Hanatanteraka fotoam-pivavahana lehibe rahampitso sabotsy

Finoana
Zoma 10 Novambra 2017

Hanatanteraka fotoam-pivavahana lehibe ny fiangonana FM FOI rahampitso sabotsy 11 novambra. Manerana ireo fiangonana 180 eto Madagasikara no hanatanterahana izany ho fisaorana an’Andriamanitra noho ny fihenan’ireo olona matin’ny aretina pesta teto amintsika sy noho ny fahafoanan’ny valanaretina miandalana.

Raha tsiahivina, nanatanteraka vavaka fifadian-kanina lehibe ity fiangonana iray ity nandritra ny firongatry ny pesta teo ho fiarovana ny ain’ny mpiara-belona. Tena nandaitra tokoa ilay izy tamin’ny ankapobeny ary samy nigoka tombontsoa ny rehetra. An-daniny, nisy ihany koa ny fitantanan’Andriamanitra manokana ity fiangonana iray ity ka nahafahany niaro ny mpanompony teny am-ponja ny pastera Benjamina, filoha mpanorina ny fiangonana. Raha tsiahivina, voaendrikendrika noho ny tany novidiany izay saika hanorenany trano fivavahana sy trano fitaizana zaza kamboty teny Fenoarivo ity pastera ity ka nanjary tafiditra am-ponja nandritra ny 24 ora mihitsy. Efa nisy nivarotra tamin’olon-kafa talohan’ny fiangonana FM FOI mantsy io tany io ka ireo tompony hafa no nitory azy ireo. Rehefa nandinika anefa ny fitsarana, nanana taratasy ara-dalàna rahateo ny fiangonana dia afaka madiodio i pastera ary efa manohy ny asany ankehitriny.

Pati