Finoana

Fiangonana FJTSA7 Nakatona ny trano tao Fianarantsoa

Finoana
Talata 19 Aogositra 2014

Ny tantara dia mbola mitohy ho an�ny pasitera Benjamina. Taorian�ny teto Antananarivo dia hiakatra fitsarana any Fianarantsoa indray ny tenany amin�ny herinandro ho avy io

Raharaha tokana ihany no mahavoarihorihy azy dia ny fibodoana tany sy trano natao fiangonana FJTSA7 any Fianarantsoa. Sazy mihantona telo volana no didy navoakan’ny fitsarana teto Antananarivo tamin’ny fiandohan’ny volana teo. «Diso ny filazan’ny pasitera Benjamina fa nandresy tamin’ny fitsarana izy ary niverina taminy madiodio ny tany sy ny trano”, hoy Razafimandimby tompon’ny tany sy ny trano natao fiangonana FJTSA7 any Fianarantsoa io ary anisan’ireo mpitory sy mpampianatra soratra masina tao amin’ity fiangonana ity. Milaza ny mpitory fa tsy mbola azo kitihina ny trano natao fiangonana fa miandry ny vokatry ny fitsarana ho avy. Milaza ny hitondra olona avy aty an-drenivohitra ny pasitera Benjamina amin’io fitsarana io, hoy ihany Razafimandimby. Tsy ataonay sakana ary tsy hatahotra velively izahay, hoy ity farany fa aleo ny marina no hipoitra. Pasitera Benjamina etsy an-kilany milaza fa tsy manan-javatra atahorana na ahiana izy ireo manoloana ity fitsarana any Fianarantsoa ity.