Finoana

Fiangonana FJKM Nanomboka omaly ny Herinandro Sambatra

Finoana
Talata 19 Desambra 2017

Toy ny fanao isan-taona hatrizay dia nanomboka omaly alatsinainy 18 desambra 2017 manerana ny fiangonana FJKM eto amintsika ka tsy hifarana raha tsy ny zoma 22 desambra izao ny hetsika “Herinandro Sambatra 2017”.

Fanompoam-pivavahana fiderana an’Andriamanitra mazava loatra no fototry ny hetsika miaraka amin’ny fankalazana ny nahaterahan’i Kristy Mpamonjy. Hoan’ny fiangonana Fjkm Filadelfia Andranoro manokana dia nambaran’ny mpitandrina ao aminy, ny pasitera Randriamahasoa Harimbola, fa fanomezana sehatra manokana an’ireo sampana ao aminy ihany koa ity hetsika ity. Nisafidy ihany koa ity fiangonana ity ny hikarakara hetsika famaranana ny taona na “réveillon” ao am-piangonana hiarahan’ny kristianina ao aminy sy ireo vahiny ihany koa miara-mivavaka hiandrasana ny taona vaovao 2018.

Ntsoavina Evariste