Finoana

Fiangonana FJKM Nahazo mpitandrina 111

Finoana
Alatsinainy 30 Jolay 2018

Tontosa soa aman-tsara omaly alahady 29 jolay teny Antsahamanitra ny fotoam-pivavahana goavana sy lanonana ara-pinoana lehibe ho an’ny fiangonana FJKM nanosorana mpitandrina miisa 111 sy mpampianatra 53, izay fahasoavana lehibe ho an’ny fiangonana.

Toy ireo olobe samihafa sy ny mpino maro eo anivon’ny FJKM, dia tonga nanotrona ity fanompoam-pivavahana "fanirahana mpiasa vaovao", ity i Marc Ravalomanana mivady omaly tolakandro amin’ny maha Filohan’ny jobily fankalazana ny faha-50 taona azy. Zava-dehibe amin'ny finoana ny fananana olom-boahosotra toa azy ireo, hoy i Marc Ravalomanana, ka nitsodrano azy ireo hahefa be amin'ny finoana ary hahavita ny asa nanirahan'ny Tompo azy ireo. Lohahevitra noraisina moa ny hoe: "... Aoka ho mahatoky hatramin'ny fahafatesana ianao" Apokalipsy 2 : 10.

Toky R