Finoana

Fiangonana Anglikanina Ambanidia Hiatrika ny fetin’ny taranaka ny 3 novambra izao

Finoana
Alarobia 30 Oktobra 2019

Toy ny fanaony isan-taona dia hanamarika ny fetin’ny taranaka indray ny fiangonana anglikanina (EEM) Ambanidia ny alahady 03 novambra 2019 izao.

Andro lehibe hifankahalalana sy hanamafisana ny fandraisan’ny taranaka anjara amin’ny fiainam-piangonana io andro io, ka anentanany ireo zanak’ity fiangonana ity ho tonga maro amin’izany. Ezaka fanatsarana ny fiangonana sy fitokanana ny tafom-piangonana no fandaharam-potoana amin’io alahady ho avy io, araka ny nambaran’ny tompon’andraikitra. Manamarika io fetin’ny taranaka io toy izany koa ireo mpino anglikanina ao amin’ny Katedraly santa Laurent Ambohimanoro, amin’io alahady 03 novambra io ka iantsoany ny isan-taranaka ho tonga amin’ny fotoam-pivavahana iarahan’ny kristianina rehetra zanaky ny fiangonana.

Nangonin’i RTT