Finoana

FFKM Miantso fibebaham-pirenena

Finoana
Alatsinainy 30 Martsa 2020

Omaly alahady 29 martsa dia nisy fanompoam-pivavahana notarihin'ny fiombonan’ny Fiangonana Kristiana eto Madagasikara na ny FFKM tao amin` ny fiangonana EEM Ambohimanoro.

Hafatra mafonja nampitain'ny mpitandrina Irako Andriamahazosoa Ammi, Filohan'ny FJKM toriteny nalaina avy amin’ny Jaona 11: 15-45 ,izay mitantara ny nananganan'i Jesosy an'i Lazarosy tamin'ny maty. Manoloana izao areti-mandoza izao dia misy ny fanantenana, ao amin'i Jesosy Kristy ny fanantenana ary ny fibebahana sy ny finoana marina no takiana amintsika. Antony, tsy ny aretina na ny fahafatesana no tompon'ny teny farany. Fa inona kosa no takiana amintsika? Dia ny fibebahana , toy izay ao amin` ny salamo 130 ka amin` ny alalan'ny vavaka fitalahoana famelan-keloka sy famindram-po. Manaraka izany, amin` ny alalan'ny fanapahan-kevitra hiala amin` ny ratsy fanao. Nanantitrantitra ny Mpitandrina Irako Andriamahazosoa Ammi fa mitaky fibebaham-pirenena mihitsy ny zava-misy amin` izao fotoana.. Ny FFKM dia manamafy hatrany fa mila mitodika amin` Andriamanitra amin` izao fotoan-tsarotra izao ny Malagasy.

Marigny A.