Finoana

FFKM Mampihavana fa tsy haka fanjakana

Finoana
Talata 24 Martsa 2015

Ny 28 -30 aprily ka hitohy ny 1-2 mey izao ny dinika nasionaly tarihin�ny Fiombonan�ny Fiangonana Kristianina na ny Ffkm mikasika ny fampihavanam-pirenena. Mikasika an�Atoa Andry Nirina Rajoelina sy ny Profesora Zafy Albert dia nanambara ny filohan�ny Ffkm am-perinasa Lala Rasendrahasina omaly nandritra ny fihaonana tamin�ny mpanao gazety fa mbola manantena ny fiverenan�izy ireo an-databatra boribory. Raharaha iankinan�ny ain�ny firenena sy ny fiainam-bahoaka mantsy no horesahina ka manentana ny voakasika ny mpitarika ny Ffkm mba samy handini-tena.

Nambarany kosa anefa fa ny fanentanana sy ny fampirisihana amin’ny dinika no anjaran’ny Ffkm fa tsy misy azo atao an-terivozina hanao izany. Tsy maintsy hatao anefa ny dinika fanomanana ny fampihavanam-pirenena, noho ny tombotsoan’ny besinimaro. Nanambara ihany koa ity filoham-piangonana ity fa ny mandrindra ny fampihavanana no anjaran’ny Ffkm fa tsy ny hitondra fanjakana velively. Tsy nanana eritreritra ny handray anjara amin’ny fitondrana fanjakana ny Ffkm ary tsy hanao izany mihitsy, hoy ny fanambarana. Raha ny mikasika ny fikasan’ireo mpandray anjara tamin’ny dinika santatra tany amin’ny faritra indray dia hevitry ny mpandray anjara no maniry ny hikitika ny lalàmpanorenana fa tsy an’ny Ffkm, hoy ihany ny mpitandrina Lala Rasendrahasina.