Finoana

Fetin�ny Paska Tomefy olona Antsirabe

Finoana
Talata 18 Aprily 2017

Miha malaza sy mivoatra hatrany ny fetin�ny Paska tany Antsirabe ary miha mahasarika ny mpivahiny manodidina sy ny avy any ivelan�Antsirabe hatrany.

Teo aloha dia orinasa goavana iray hatrany no mifehy ny fety eo anoloan’ny gara. Amin’izao fotoana, efa zavon-tany ireo orinasa Malagasy misehatra amin’ny fanafanana ny fety ka mameno toerana maro, toy ny orinasa “L’ile Rouge-Comadis”, ny “Dzama-Za Malagasy”, ny Sodeam, ny Star, mahazatra hatramin’izay. Anisan’ny nampalaza ny fety ny fisian’ireo mpanakanto malaza. Ankoatra ireo seho an-tsehatra dia maro be ireo kilalao isan-karazany natokana ho an’ny kilonga toy ny fifaninanana karaoke sy ny Smile Party nokarakarain’ny haino aman-jery iray tany Antsirabe. Nampiavaka ity fetin’ny paska 2017 ity ny fisian’ny afomanga goavambe natolotry ny orinasa Comadis. Feno avokoa ireo trano fandraisam-bahiny isan-karazany tao Antsirabe nandritra ny fetin’ny paska.

Caius R