Finoana

Fanopoabe 2014 Fitahirizana sy fanohizana ny fomban-drazana Sakalava

Finoana
Alakamisy 17 Jolay 2014

Miaina ny Fanopoabe ny ao Mahajanga nanomboka ny alatsinainy 14 jolay teo

Lanonana fanao isan-taona entin’ireo Sakalava manome hasina ireo razan’Ampanjaka nifandimby ao Boeny antsoina hoe Izy Efa-dahy Manan-kasina izay tehirizina ao amin’io Doany Miarinarivo, Tsararano Ambony, Mahajanga io. Haharitra herinandro ny hetsika. Tanterahina mandritra izany ny fampandroana ny taolambalon’izy Efa-dahy manan-kasina. Nampiarahina tamin’izao lanonana ara-drazana izao ihany koa ny Festival Koezy andiany faha IV, izay hetsika famelomana sy fanasongadinana ny kolontsaina sakalava ahitana ireo dihy, fitafy sy bango nentim-paharazana. Nambaran-dRtoa Lizah Ndrialisoa, nisolotena ny minisitry ny kolontsaina sy ny vakoka tamin’ny lanonam-panokafana, fa tanjon’ny Minisitera ny hampifandray ny Malagasy rehetra eo amin’ ny lafiny ara-kolontsaina, ao anatin’ izany ny fanajana ireo raiamandreny sy ny fomban-drazana. Homen-danja ny fifanakalozana sy ny fifaneraserana.