Finoana

Fanarabiana ny fiangonana FLM Hisy ny fepetra horaisina

Finoana
Zoma 23 Oktobra 2015

Manoloana ny teny fampihorohoroana sy fanarabiana nataon�ny Solombavambahoaka Naivo Raholdina tao amin�ny fahitalavitra tsy miankina iray ny alarobia alina lasa teo dia hanamafy ny fitoriana fiandry ny amin�izay zavatra mety hiseho na herisetra amin�ny mpivavaka na ny famotehana ny ezaka fananganana ny fiangonana eny Androhibe.

Mitazona io depiote io ho tompon’andraikitra amin’izay rehetra hiseho izy ireo. Nandrangitra sy nanohitra ny fanapahan-kevitra noraisin’ny fanjakana sy ny didy navoakan’ny fitsarana ny amin’ny anomezana ny fiangonana Loterana ny tany mantsy izy. Etsy an-kilany dia nisy ampahan’olona nanatona ny Pastora Edoany Govin nangataka ampahan-tany amin’ny fiangonana mba hanangana sekoly fanabeazana fototra. Vonona amin’ny fifampiresahana ho fampandrosoana ny fanabeazana izy fa ao anatin’ny fifanajana. Araka ny vaovao farany, ny filohan’ny fokontany sy ilay olona iray nanala ny sora-pamantarana ny maha an’ny fiangoanana ny tany no niantefan’ny fitarainana voalohany napetraky ny fiangonana eo anivon’ny mpitandro ny filaminana ary ity depiote ity izay manentana ny olona hanohitra didim-pitsarana. Anio tolakandro dia hihaona amin'ny mpanao gazety ny eo anivon'ny sinodam-paritanin'Antananarivo mahakasika ity raharaha ity.

Rabri