Fanamarihana ny « Eid Al-Fitr »

Andro tsy hiasana ny 10 aprily izao

Finoana
Alatsinainy 08 Aprily 2024

Namoaka fampahafantarana manamafy sy mampahatsiahy ny Minisiteran’ny asa,

ny fampanan’asa, ary ny asam-panjakana, fa araka ny andininy faha-3 amin’ny didim-panjakana laharana faha 2024-108 tamin’ny 31 janoary 2024 mamaritra ny lisitry ny andro tsy iasana nefa andraisan-karama ho an’ny taona 2024, dia nambara ihany koa fa andro tsy tsy hiasana nefa andraisan-karama ireo andro voatondro ho Eid Al-Fitr sy Eid Al-Adha, araka ny tetiandro nofaritan’ny Fianakaviamben’ny silamo. Noho izany, ireo daty mifandraika amin’ireo dia andrakitr’io fikambanambe io feo, ka ny taratasy laharana 62/FSM/BN/2023 tamin’ny 14 desambra 2023 izay nataon’ny Fikambanamben’ny Silamo Malagasy no mamaritra ny datin’ny 10 aprily dia noraketina ho Eid Al-Fitr. Noho izany, dia nambaran’ny Fanjakana fa tsy hiasana kanefa andraisan-karama eto amin’ny Repoblikan’i Madagasikara io, araka ny fampahafantaran nosoniavin’ny Tale Jeneralin’ny Asa.
Toky R