Finoana

Fametrahana ny filohan�ny Fjkm Hiavaka ny fotoana amin�ny Alahady

Finoana
Zoma 23 Septambra 2016

Fotoana hiavaka ny fametrahana amin�ny fomba ofisialy ny filohan�ny FJKM vaovao sy ireo birao mpiara-miasa aminy etsy amin�ny lapan�ny kolontsaina sy ny fanatanjahantena Mahamasina ny alahady izao, hoy ireo tompon�andraikitra am-perinasa eo anivon�ny foibe FJKM.

Nampahafantarina omaly tetsy amin’ny foiben’ny FJKM etsy Analakely tamin’ireo mpanao gazety ny fizotran’ny lanonana amin’ny ankapobeny, hanomboka amin’ny 2 ora sy sasany tolakandro. Sambany teo amin’ny tantaran’ny FJKM no nisy fametrahana filoha sy birao amin’ny fomba manetriketrika toy izao, hoy ny tompon’andraikitra ary inoana fa ho heno eo izay drafi-pitantanana kasain’ny filoha vaovao, ny mpitandrina Irako Andriamahazosoa Ammi, hitondrana indray ny FJKM mandritry ny 4 taona. Malaza ho mahitsy sy tsy azo avilivily amin’ny hevitra heverina hahasoa ny ondriny moa ity filoha vaovao ity ary dia maro ireo mpanao politika ahiana tsy hahita rirany intsony amin’ny fampijabahana ny fiangonana ao anaty raharaha politika maloto.

Mirija