Famaranana tafika masina iombonana

Sabotsy tontolo andro eny Sabotsy Namehana

Finoana
Zoma 04 Jolay 2025

Ho famaranana ny tafika masina iombonana ao Avaradrano miaraka amin’ny toby

Fiombonana Manantena tsara sy ny Ezaka vaovao mahafaly na EVM dia hisy ny hetsika samihafa ho karakarain’izy ireo ao amin’ny tany malalaka na «terrain» Sabotsy Namehana. Eo ambany fiahian’ny ben’ny tanànan’i Sabotsy Namehana ny hetsika, hoy ny fanazavàn’ny mpikarakara. Ny sabotsy 5 jolay tontolo andro no hanatanterahana ny hetsika ary hanasàna ny rehetra tsy an-kanavaka ho tonga amin’izay ora maha afaka azy. Hisy ao anatin’izany ny fanompoam-pivavahana iraisam-pinoana, fitoriana, fanentanana, rindran-kira samihafa. Manomboka amin’ny 3 ora sasany tolakandro kosa ny asa sy fampaherezana ataon’ireo mpiandry. Hisy vavaka ho an ‘ny tsirairay ary tsy misy vidim-pidirana fa ento izay foinao, hoy hatrany ny fanazavàna. Isan’ireo mpihira ara-pilazantsara ho hita eny an-toerana ny M’Zarah Fitia, Tarika Dafy, Groupe Tanjona, Mitalily Soa, antoko mpihira samihafa sy mpanakanto tsy ampoizina.
Nangonin’i J. Mirija