Finoana

Fahatongavan’i Papa François Mpino kristianina 5300 avy any Mahajanga no hiakatra eto an-drenivohitra

Finoana
Alatsinainy 12 Aogositra 2019

Miomana fatratra amin’ny fahatongavan’i Papa François eto an-tanindrazana amin’izao ireo mpino Katolika any Mahajanga.

Raha araka ny fantatra dia miisa 5.300 izy ireo no hiakatra eto an-drenivohitra amin’ny fiandohan’ny volana septambra ho avy io. Ankoatra ireo zotra nasionaly efa mahazatra dia miantso ireo zotra ao an-drenivohitr’i Boeny ihany koa ny tale jeneralin’ny antokon-draharaha misahana ny fitaterana any an-toerana mba hifanampy amin’ny fitaterana ireo mpino Kristianina ireo. Tsy maintsy handalo fitsirihina in-droa miantoana anefa ireo fiara hitatitra mialoha ny hiaingany any an-toerana hisorohana ny loza izay vao mahazo ilay fahazoan-dalana manokana avy amin’ny ATT any an-toerana izy ireo. Ho an’ireo fiaran’olon-tsotra mahazaka olona maro kosa nefa vitsy ny tompony hamonjy ny fahatongavan’i Papa eto an-drenivohitra dia miantso ny fanomezan-tanana avy amin’izy ireny ny ATT saingy tsy maintsy ny isan’ireo olona voasoratra ao anaty “carte grise” ihany no entina fa tsy mahazo manao taingim-be.

Patty