Finoana

Fahafatesan�ny Pastera Rivo Efa nisy voasambotra saingy navotsotry ny Fitsarana

Finoana
Alarobia 28 Jolay 2010

Voasambotra ny zoma lasa teo ilay voarohirohin’ny zandary ho tompon’andraikitra tamin’ny famonoana ny pastera FJKM, Ranaivo Rivo Arson nandritra ny korontana tao amin’ny FIGN ny 20 mey 2010 teo. “Nolazaina fa izahay no nitifitra ity mpitarika fiangonana ity kanefa efa hita mazava tsara fa tany ivelany ny miaramila no nitifitra. Noporofoinay ny mifanohitra amin’io fanendrikendrehina io ary hita tamin’ny alalan’ny sary ilay voarohirohy ho namono ny pasitera. Efa natolotra ny Fampanoavana io olona io saingy nahazo fahafahana vonjimaika aloha. Raha mena ny lokon’ny scooter nentiny tao amin’ny FIGN tamin’ny 20 mey dia efa niova ho mainty izany tamin’ny fotoana nahatratrana azy” raha ny fanazavan’ny zandary. Momba iny raharaha iny hatrany dia fantatra fa mbola mitohy ny fisamborana amin’izao fotoana izao. Any Toamasina any no tena mitranga izany, araka ny fantatra.

r.d