Finoana

Faha-80 taonan’ny sekoly Advantista Fotoam-bavaka no nisantarana azy

Finoana
Talata 07 Mey 2019

Nankalazaina tamin’ny alahady 05 mey lasa teo ny fanombohana ny fankalazana ny faha-80 taonan’ny sekoly advantista Soamananandrariny na ny Lypars.

Vavaka nentina nisaorana sy nanomezam-boninahitra an’Andriamanitra no nanokafana azy, narahin’ny dinidinika teo amin’ireo tompon’andraikitra sy ireo ray aman-drenin’ny mpianatra. Maro ireo tetikasa entina hankalazana azy ity, toy ny fanorenan-trano, ny fanaovana tara ny tokotanin-tsekoly, ny fametrahana laboratoara, indrindra ny fampiroboroboana hatrany ny fampianarana zaitra ireo zatovovavy mpianatra, ny fahandroan-tsakafo….. Tarigetran’ny sekoly hatramin’izay moa ny hoe : fanabeazana mira fanavotana mba ho tena fanohanana ny tanora Malagasy tokoa. Omena lanja hatrany ihany koa ny ara-panahy satria io no hita fa tena mampahomby, ankoatra ny fampianarana akademika. Ankoatra ireo maintimolaly efa nandalo tao amin’ny sekoly sy ny fianakaviamben’ity toeram-panabeazana ity moa saika tonga nanotrona ny vavaka fanokafana teny an-toerana avokoa ireo olona maro isan-tsokajiny.

Pati