Ezaka hitandroana ny fahamarinana

Manohana ny ezaka rehetra ny FFKM

Finoana
Alarobia 11 Oktobra 2023

Mandalo kihon-dalana sarotra sy manahirana ny fiainan'ny firenena sy ny vahoaka malagasy,

hoy ny Fiombonan’ny fiangonana Kristianina eto Madagasikara na FFKM. Efa nanao ny ezaka rehetra hitadiavam-bahaolana eto amin'ny firenena ny FFKM hisian'ny fitoniana mialohan'ny hidirana amin'ny fampielezankevitra sy ny latsa-bato, hoy izy ireo. Isaoranay ianareo rehetra naneho finiavana nandray anjara tamin'ny fanelanelanana sy nitrotro am-bavaka izany. Manoloana ireo fanambarana samihafa izay atao eto amin'ny firenena ankehitriny, ny FFKM dia manohana ny ezaka rehetra atao hitandroana ny fahamarinana sy ny fiadanana hisian'ny fandriam-pahalemana sy ny fitoniana, hoy hatrany ny nambaran’ireto raiamandrenim-piangonana ireto.
J. Mirija