Finoana

EKAR Md Josefa Mahamasina Niavaka ny fankalazana ny fetin’i Kristy Mpanjaka

Finoana
Alatsinainy 26 Novambra 2018

Notanterahana omaly alahady 25 novambra teny amin’ny Ekar Md Josefa Mahamasina ny Fetin’i Kristy Mpanjaka.

Niavaka ny omaly satria fotoana iray namoahana tamin’ny fomba ofisialy ireo mpikabary 9 mianadahy andiany Olon-tsambatra Ramose Lucien Botovasoa izay nofanin’ny Fikambanan’ny Mpikabary Katolika. “Andrianiko ny teniko satria hitoriako ny vaovao mahafaly” no lohahevitra nosafidian’izy ireo, mampifandray ny fomba mampiavaka ny Malagasy amin’ny alalan’ny kabary sy ny asa fitoriana amin’ny maha kristianina azy ireo.Nisy ny fitsofan-drano azy ireo sy fitsofan-drano ihany koa ny sampana APV eo anivon’ny Ekar Md Josefa Mahamasina, hetsika izay tafiditra hatrany ao anatin’ny fankalazana ny faha-150 taonan’ny Fiangonana. Taorian’izay dia nisy ihany koa fanolorana mari-pankasitrahana ho an’ireto mpikabary vaovao ireto. Feno hipoka tanteraka ny fiangonana io omaly io.

Nangonin’i RTT