Finoana

Ekar Md Josefa Mahamasina Niarahaba ireo pretra efatra ny fiangonana

Finoana
Alatsinainy 07 Janoary 2019

Amin’izao fahatongavan’ny taona vaovao 2019 izao, dia faly niarahaba an’ireo pretra efatra mirahalahy mianaka, omaly alahady 6 janoary, ireo mpino katolika ao amin`ny fiangonana Ekar Md Josefa etsy Mahamasina.

Nirary soa ho an`ireo Père aumonier district, Père curè ary Père vicaire, indrindra moa amin’ny andraikitra maro izay sahaniny izy ireo, izay notarihan`ny distrika Mahamasina sy fikambanana isan-karazany. Araka ny nambaran`ny pretra tamin`ny toriteny dia ireto avy ny fety lehibe telo taorian`ny nahaterahan`ny Kristy. Fetin`ny fianakaviana masina, Fetin`ny Epifania ary fankalazana fanaovana batemy ny Tompo. Omaly rahateo no nankalazaina ny fetin`ny EPIFANIA, izay fisehoan`Andriamanitra ankarihary manambara ny tenany amin`ny alalan`ny vetsovetson`ny zanany tonga nofo. Marihina fa efa mandroso ny asa fanamboarana ny fiangonana izay tsangambato faha-150 taonan`ny Ekar Md Josefa etsy Mahamasina.

Marigny A.