Finoana

Ekar Md Josefa Mahamasina Nankalaza jobily roa sosona

Finoana
Alatsinainy 31 Desambra 2018

Omaly alahady 30 desambra 2018 dia jobily roa sosona no nankalazaina tao amin`ny Ekar Md Josefa etsy Mahamasina.

Tao ny fankalazana ny jobily faha-35 taona ny FIkambanana Tanora Kristianina Avaratr’i Mahamasina (FTKAM) izay tarihan`ny filohany, Rakotoarimanana Solonianina, tamin`ny lamesa voalohany tamin`ny 6ora sasany, izay ahitana mpikambana miisa 26. Ny lamesa faharoa izay niditra tamin`ny 9 ora dia nentina nankalazaina ny jobily faha-35 taona ny FIFAKRI. Ny taona 1981 no niandohan`ny FIFAKRI ka ny mompera “cure” teo Mahamasina nanendry ny filohan`ny filankevitra telo teo anivon`ny fikambanana saingy ny roa nitsoaka an-daharana. Niezaka ny filoha tamin`izany nanohy ny asa ka nitsangana ofisialy ny taona 1983 ka ny “couple” Jean Emile sy Therese, Monika sy Boniface no voalohany. Nitombo tsikelikely ny “couple”FIFAKRI ka telo no am-perinasa fa ny telo kosa dia mananontena. Marihina fa nisy mariazy miara-mizotra “couples 6” ny 23 desambra lasa teo. Amin`ny alahady ho avy izao no hanatanteraka ny fiarahabana nahatratra ny taona an`ireo pretra telo mirahalahy ny fiangonana Ekar Md Josefa etsy Mahamasina

Marigny A.