Finoana

EKAR Masindahy Josefa Mahamasina Namarana ny fankalazana ny jobily faha-150 taonany

Finoana
Alatsinainy 13 Mey 2019

Nifarana ny sabotsy teo rehefa naharitra roa taona latsaka ny fankalazana ny jobily faha-150 taonan’ny Ekar Masindahy Josefa Mahamasina rehefa nanomboka ny 14 martsa taona 2017.

Fotoam-pivavahana lehibe nentina nitondrana am-bavaka ny firenena sy ny mpino tsy an-kanavaka notarihin’ny Mgr Odon Marie Arsene Razanakolona filohan’ny diosezin’Antananarivo no nisantarana izany. Nitohy tamin’ny fanokanana fotodrafitrasa maro sosona ny lanonana ka anisan’ireny ny salle d’oeuvre, ny hotely masina, ny tsangambaton’ny frera Raphael Louis Rafiringa noho izy natao batemy teo anivon’ny fiangonana katolika iray ity… Nofaranana tamin’ny fiaraha-misakafo ny lanonana. Asa miandry ny fiangonana indray moa ankehitriny, raha araka ny mompera Randriamparany Rijaniaina, ny fitondrana am-bavaka ny isam-batan’olona sy ny isan-tokantrano ary ny firenena iray manontolo mihitsy ka hahatonga ireo mpino ao aminy ho tonga hivavaka isan’alahady. Hatreto mantsy dia efa mahatratra 14.000 ireo vita batemy teo anivon’ny fiangonana.

Pati