Finoana

“Eid al-fitr” an’ny mpino Silamo Andro tsy hiasana fa handraisan-karama ny 4 jona izao

Finoana
Alakamisy 23 Mey 2019

Araka ny tapaka tamin'ny filankevitry ny governemanta tamin'ny fiandohan'ny taona, dia andro tsy fiasana nefa andraisan-karama ny 4 jona 2019.

Io ilay antsoina hoe “Eid al-fitr”, fetin'ny finoana silamo saingy tahaka ny fety kristianina toy ny noely, paka na pantekosta izay natao tsy hiasana ho an'ny olom-pirenena rehetra dia tsy hiasana koa ny fety silamo mba tsy hisian’ny fanavakavahana. Ho an'ny mpiasa rehetra tsy ankanavaka, na ireo manaraka ny finoana silamo na tsia izy io, araka ny fanapahan-kevitra noraisin’ny fitondram-panjakana. Raha ny fikaroham-baovao, maromaro ny andro nangatahan’ireo mpanaraka ny foto-pinoana silamo mba hatokana ho andro tsy hiasana fa handraisan-karama. Io aloha no nahazo fankatoavana sy neken’ny fitondram-panjakana hatreto.

Toky R