Finoana

Dr David Rakotonirina Nanamafy ny fihavanan’ny Mpino FLM any SAVA

Finoana
Alakamisy 06 Septambra 2018

Tonga ao Sambava hatry ny talata 4 septambra ny filohan’ny Fiangonana Loterana Malagasy eto Madagasikara Dr Rakotonirina David.

Fiarahamonina efa tony, milamina no novantaniny tamin’ity fitsidihany indray mitoraka ity raha toa ka saritaka, fizarazarana, fivakisana no nitranga herintaona lasa. Tranga izay nanakoako hatrany ivelany any, nanamaloka ny tantaran’ny FLM. Nitrangana savorovoro tao amin’ny sinaodam-paritany Avaratra Atsinanana tamin’ny janoary 2017 raha tonga namangy tany an-toerana ny filoha sy ny filoha lefitry ny FLM, efa niravona izany amin’ny ankapobeny na dia mbola hendratrendratra be ihany aza ny mpikambana sasany. “Fifaliana lehibe ao anatin’ny fifamelan-keloka no misy ankehitriny”, hoy Dr Rakotonirina David. Hiaraka hankalaza amin’ny mpino FLM ny isan-taona ao amin’ny sinaodam-paritany Avaratra Atsinanana, izay atao eto Sambava, Dr Rakotonirina David amin’izao diany izao, sady hanome voninahitra ny jobilin’ny filohan’ny sinodam-paritany Pastora Razafimahatratra Jean de Dieu mivady ary ny famangiana ireo fileovana maro samy hafa aty amin’ny Faritra SAVA. Misy koa ny fampiofanana momba ny fiahiana ara-tsosialy iarahan’ny CNaPS foibe sy ny FLM, izay fifanekem-piaraha-miasa efa ho 20 taona izay.

Jean D.