Finoana

COHEN BERA Nindaosin’ny fahafatesana ny vady andefimandriny

Finoana
Alatsinainy 04 Novambra 2019

Nindaosin’ny fahafatesana ny Alakamisy lasa teo Rtoa Volahanta Cohen, vady andefimandrin’i Cohen Bera, filoha mpanorina ny finoana Jodaisma Madagasikara Mesirima eto Madagasikara.

Herinandro teo ho eo no nitsaboana azy farany tetsy amin’ny hôpitaly Befelatanana raha efa nahatratra enim-bolana kosa ilay aretina nandavo azy no nikiky ity Renim-pianakaviana ity. 55 taona Itompokovavy no nandao ny tany. Anisan’ny tena nahafantarana azy ny fijoroana vavolombelona nataony niaraka tamim-badiny mikasika ny tsiambarantelon’ny faharetan’ny tokantranon’izy ireo. Toraka izany koa ny fizarana fahendrena tamin’ireo Renim-pianakaviana tao anatin’ny finoana nisy azy, notronin’ireo tanora zazavavy marobe. Omaly Alahady moa no nalevina teny Ambohitsaratelo Andohatanjona ny razana. Namela kamboty roa sy zafikely iray ary mananontena iray Ratompokovavy.

Pati