Finoana

Cohen Bera Manazava ny tsiambaratelon’ny baiboly

Finoana
Zoma 10 Aogositra 2018

Hifarana amin’ny alatsinainy 13 aogositra ho avy izao rehefa nanomboka ny alatsinainy 16 jolay lasa teo ilay fampianarana entin’i Malakh Bera Cohen avy eo anivon’ny fikambanana Jodaisma Madagasikara Mesirima momba ny tsiambaratelon’ny Baiboly.

Lohahevitra hafa mihitsy no hoentiny amin’io alatsinainy ho avy io. Anisan’ireny ny dinika momba ny epistily ho an’ny Hebreo. Raha araka ny fanazavany hatrany mantsy dia manda an’io epistily io ny Hebreo satria epistily ho an’ny hafa firenena no nentin’izany. Nanjary nitondra fiovana teo amin’ny tantaran’ny fivavahana mantsy ireny, hoy Malakh Bera Cohen ka nanjary nampahazo vahana ny fombam-pivavahana manaraka ny Baiboly. Tsiahivina fa efa nandeha tany Toamasina i Malakh Bera Cohen talohan’izao teto an-drenivohitra izao izay fantatra indray fa mbola hitohy any Mahajanga mandritra ny dimy andro tsy miato, raha tsy misy ny sampona. Ao amin’ny tranompokonolona Analakely ihany no hanaovana ny famaranana ny hetsika ho antsika eto an-drenivohitra izay nomarihiny fa tena fahombiazana tanteraka.

Pati