Finoana

Brice Christopher Rabevihavy Misy fanahy maloto te handatsa-dra eto

Finoana
Talata 08 Mey 2018

Milaza ho nahazo fanambarana avy any amin’ny tontolo tsy hita maso ifandraisany any hatrany isaky ny 48 ora tato ho ato ny mpitarika ny fikambanana Ankata zana-drazana, Brice Christopher Rabevihavy.

Afaka 8 andro indray isika vao tokony hihaona saingy hihenjana ny tady eo amin’ireo mpifanandrina politika roa eto amin’ny firenena mandra-pahatonga ny alarobia izao, hoy izy. Misy olona te hampisy sorona hanamarinana ny heviny kanefa ny mpandefitra tsy folaka. Hisy hery avy any ivelany miisa 5 hiaraka aminay, hoy izy, ao anatin’izay 8 andro izay. Hivoaka indray ny fitiavam-boninahitry ny olombelona ary hadino Andriamanitra. Miangavy ireo mpifanandrina 2 tonta tsy hifampihantsy ary miantso ny mpitandro ny filaminana tsy hiditra anaty vela-pandrika. Afaka 8 andro dia hambaranay ny fotodrafitrasa tsy maintsy hitondrana ny firenena, hoy ny namaranany azy. Misy hery maloto tiana hampiasaina handatsa-dra indray mantsy. Aza amidy amin’izay 35.000 fmg (7 000Ar) ny fanahinareo ry mponin’Ambohimanarina, hoy hatrany ny tenany.

J. Mirija