Finoana

Apostoly Tsaratsara Tsy misy ifandraisany mihitsy amin’i Marc Tatandraza

Finoana
Alarobia 04 Septambra 2019

Nitondra fanamarihana ny Apostoly Tsaratsara sy mpiara-miasa aminy fa tsy misy ifandraisany na akaiky na lavitra amin’i Marc Tatandraza mihitsy izy ireo ka ahitsy ny vaovao nivoaka an-gazety naha voatonontonona ny anaran’ny Apostoly Tsaratsara ao anatin’ny vaovao mikasika an’i Marc Tatandraza.

Tsy misy ifandraisany mihitsy ireo olona roa ireo, hoy ny fanazavana azo avy amin’ireo mpiara-dia amin’ny Apostoly Tsaratsara ka atao izao fanitsiana izao mba tsy hampiroaroa saina ireo mpanara-dia ity farany. Nanamafy izy ireo fa ho avy ny fotoana mbola hitenenan’ny Apostoly Tsaratsara ny amin’ny tohin’ny hetsika fitoriana ny tenin’Andriamanitra ataony saingy manana ny fotoanany moa ny zava-drehetra ary samy manana ny fandaharam-potoanany ihany koa ny tsirairay… Noho izany indrindra, dia manaingy ny rehetra tsy hiroaroa saina sy tsy hampifangaro ireo lafin-javatra roa tsy dia misy ifandraisany ireo ny Apostoly Tsaratsara sy ireo mpiara-dia aminy.

Toky R