Finoana

Apostoly Marc Tatandraza Tsy hanao politika mandrakizay aho

Finoana
Zoma 28 Jolay 2017

Taorian’ny nanaovan’ny Apostoly Marc Tatandraza fanambarana goavam-be fa tsy maintsy handeha hody any amin’ny Ray izy dia betsaka ny resaka nandeha momba azy.

Namaly indray ny tenany omaly fa maro ny olona nanome tsiny saingy manana ny antony manokana izy. Izay no mety amiko mba tsy hahavery ahy any amin’ ny helo satria izaho tsy hanaiky velively ny hanompo an’i satana devoly. Naveriny indray fa tsy hamono tena izy fa hody moramora. Tsy hanao politika ihany koa na dia betsaka aza ireo mitady ahy. Aleoko maty toy izay hanompo an’i satana. Tsy hanaiky ny finoana silamo ihany koa aho. Toraka izany koa ny franc maconnerie izay notsindriany fa tsy hidirany mandrakizay na dia hotambazana vola be aza izy . Aleoko maty dieny tsy mbola nanota toy izay hivadika amin’i Jehovah Andriamanitra izay naniraka ahy. Nomarihiny manokana fa mirehitra mafy aminy ny fahatezeran’ireo mpanao politika amin’izao fotoana, antony mampahazo vahana hatrany ny fanejehana azy. Tsy manana alahelo amin’ny rehetra izy fa miantso sy manentana ny rehetra mba handeha amin'ny fahamarinana. Tsiahivina moa fa dahalo niova fo ny Apostoly Marc Tatandraza. Efa in-droa maty izy tamin’ny taona 2012 ary tamin’ny taona 2007 no nanolorany tena voalohany ho an’Andriamanitra.