Finoana

Apokalipsy 1000 ny fiangonana, 1 tapitrisa ny mpino

Finoana
Alakamisy 27 Jolay 2017

Fotoan-dehibe ho an’ny fiangonana Apokalipsy tarihin’ny Pastera Mailhol na Atoa André Christian Dieu Donné ny datin’ny 05 Aogositra ho avy izao.

Hofaranana amin’io andro io mantsy ny fankalazana ny faha-20 taona nijoroan’ny fiangonana teto amintsika lanonana izay tsy hijanonana hatreo raha araka ny fanazavan’ny pastera Mailhol. Hosokafana amin’io andron’ny 05 Aogositra io ihany koa mantsy ny faha-20 taonan’ny radio Fanambarana izay an’izy ireo ihany, radio naorina 12 volana taorian’ny nijoroan’ny fiangonana Apokalipsy. Anisan’ny vokatra azon’izy ireo tamin’ity radio iray ity raha araka ny fanazavana azo hatrany ny fitoriana ny filazantsara tsy nijanona teto Madagasikara, antony nampitombo ny fiangonana Apokalipsy ho 1.000 isa ankehitriny misy mpikambana manodidina ny 1 tapitrisa. Vina apetraky ny fiangonana manaraka ny hangataka fahazoan-dalana amin’ny fanjakana mba hahafahana manangana vata fahitalavitra ho azy ireo manokana raha toraka izany ihany koa ny fananganana trano manokana ho an’ny radio izay horaisin’ny fikambanana an-tanana.

Pati