Finoana

Antoko mpihira Taratry ny Mazava Hanatanteraka seho ao amin’ny FJKM Anjohy

Finoana
Talata 20 Jona 2017

Taorian’ilay fampisehoana goavana nanamarihan’ny antoko mpihira Taratry ny Mazava eo anivon’ny fiangonana FJKM Ambohidanerana ny voka-dehibe tetsy amin’ny Sainte Famille Mahamasina farany teo dia fantatra fa hanatontosa fampisehoana ao amin’ny FJKM Anjohy indray izy ireo ny 02 jolay ho avy izao.

Haharitra ora roa ny fampisehoana, raha araka ny fanazavan’ny prezida Ihary, filohan’ny antoko izay hiompana amin’ny fisaorana sy fiderana an’Andriamanitra ranofotsiny. Efa mahatratra 60 isa ankehitriny ny hiran’ity antoko mpihira iray ity. Misy amin’izy ireo no efa voarakitra anaty kapila mangirana toy ny volume 2 ary efa an-dalam-pikarakarana ny volume 3. Miantso antsika rehetra ho avy hanotrona azy ireo ity antoko mpihira ity, indrindra fa ny any amin’iny faritra Ankazondandy iny. Mbola hitohy ao Ambohidanerana ny fampisehoana amin’ny 26 jolay ho avy izao.

Pati