Finoana

Antoko mpihira Orimbato Ambatonakanga Hanatanteraka antsa an-kiran’ny Paska miavaka

Finoana
Alarobia 28 Martsa 2018

Hanatanteraka antsa an-kiran’ny Paska miavaka ny antoko mpihira Orimbato Ambatonakanga ny alahady 1 Aprily ho avy izao manomboka amin’ny 2 ora sy sasany folakandro.

Tafiditra ao anatin’ny fankalazana ny faha-200 taona nidiran’ny LMS teto amintsika izany sady ho fanamarihana ny faha-45 taonan'ny trano vato ambatonakanga ihany koa. Arahina fampisehoana sy fampirantiana goavambe io hetsika io izay samy hotontosaina eo anivon’ny fiangonana Tranovato Ambatonakanga avokoa. Ny 30 martsa no hanokafana ny fampirantiana izay hifarana ny 1 aprily ho avy izao, araka ny tafa nifanaovan’ny tompon’andraikitra tamin’ny mpanao gazety omaly. Tsiahivina fa anisan’ny tanjona amin’izao telo andro hanaovana fampirantiana izao ny fampahafantarana ny zavatra vitan’ny misionera teto Madagasikara. Tafiditra ao anatin’izany ny fampivoarana ny fandrosoana nentin’izy ireo teto amintsika raha tsy hilaza afa tsy ny fampianarana sy ny fadikana ny baiboly ary ny resaka fivavahana sy ny fampiroboroboana ny sehatry ny toekarena isika.