Finoana

Antoko mpihira AMAM Hiavaka ny faha-50 taona

Finoana
Zoma 16 Febroary 2018

Hosokafana amin’ny fomba ofisialy amin’ny alalan’ny fanompoam-pivavahana goavana hotontosaina ny marainan’ny alahady izao ny fankalazana an’Andriamanitra noho ny faha-50 taonan’ny antoko mpihira Antsan’ny mamatonalina etsy Andrainarivo na ny AMAM.

Ny tenin’ny baiboly ao amin’ny Levitikosy 25 : 10 hoe « Hamasino ny taona faha dimampolo… jobily ho anareo izany. » moa no teny filamatra noraisin’ny antoko mpihira. Hiavaka, araka izany, ity fankalazana ity, noho izay maha jobily azy izay. Hampihaonina sy hampiarahana midera an’Andriamanitra avokoa amin’io alahady io ny mpikambana rehetra efa nandalo teo anivon’ity antoko mpihira ity tao anatin’izay 50 taona izay. Ny tolakandro moa dia misy ny rindrankira lehibe iarahan’ny antoko mpihira amin’I Rija Ramanantoanina izay atao ao amin’ny FJKM Andrainarivo fahasoavana hatrany.

J. Mirija