Finoana

Androm-bavaka maneran-tany Eny Mahamasina ny 8 jona

Finoana
Talata 21 Mey 2019

Hotanterahina ny sabotsy 08 jona ho avy izao ilay androm-bavaka maneran-tany na ny “Global day of prayer” eto Madagasikara.

Hetsika efa fanaontsika nandritra ny 16 taona izy ity, hitondrana am-bavaka manokana ny firenena. Nambaran’Atoa Mamy Rakotolehibe, talen’ny fikambanana mpiara-mamaky ny Baiboly izay mpikarakara ny hetsika omaly fa hampiavaka ny hetsika amin’ity taona 2019 ity ny fisian’ny diabe ho an’i Kristy, mialoha ny fiombonam-bavaka lehibe izay hotontosaina etsy amin’ny kianjaben’i Mahamasina. Amin’ny 02 ora folakandro moa vao tena hanomboka ny fotoam-pivavahana saingy horavahana fijoroana vavolombelona hataon’ireo Kristianina maro samihafa izany mialoha ny ora voatondro. Tsiahivina fa hetsika iraisam-pinoana iombonan’ny firenena maherin’ny 240 manerana izao tontolo izao ny “Global day of prayer”. Tanjona amin’izany ny hanetsika ny Kristianina mba hiray saina sy hiaina ireo soatoavina voizin’ny soratra masina ka hanantenantsika fanasitranana marina ho an’ny firenena.

Mirija sy Pati