Finoana

Ambohimanarina Niatrika sedra, nioty vokatra tsara

Finoana
Alarobia 19 Aprily 2017

Niara-niombom-bavaka fisaorana an�Andriamanitra tao amin�ny Fiangonan�i Jesoa Kritsy eto Madagasikara Ambohimanandray

Filadelifia ny faran’ny herinandro teo ny solombavambahoakan’i Madagasikara Rasoanoromalala Horace sy ireo mpiara-miasa rehetra niaraka tamin’ny vahoakan’Ambohimanarina. Lohahevitra nofinidy noho ireo zavatra vita sy kinasa ao amin’ny boriborintany faha-6 ny «Misaora amin’ny zavatra rehetra» ao amin’ny Tesaloniana I, 5 : 18a izay mifanindran-dalana amin’ny iraky ny FJKM dia ny hoe «Vontosy Filazantsara ny nosy Madagasikara». Nandalo sedra tokoa ireo fokontany 31 ao amin’ny distrika faha-6 fa nioty vokatra tsara ihany koa amin’ny ankapobeny raha tsy hilaza afa-tsy ny lafiny fambolem-bary izay mampiavaka ity faritra ao anatin’ny kaominina Antananarivo Renivohitra ity. Fotoana ihany koa anefa namoahana ireo mpianatra miisa 51 nahavita fiofanana zaitra, informatika, fahandroan-tsakafo ary zaridaina. Tetikasa fampandrosoana iray izy io fitsinjovana ny sosialim-bahoaka nosantarin’ny depiote voafidy ao an-toerana nanomboka tamin’ity taona ity.

Ramano F.