Fifamoivoizana

Zotran-dalamby TCE hiverina Andrasana ny fanarenana ny toekarena

Fifamoivoizana
Zoma 04 Desambra 2020

Rehefa nahazo lohamasinina 4 sy wagons maromaro dia fantatra ihany koa izao fa

ahazo lohamasinina sy wagons vaovao ny zotra TCE na Tananarive Côte-Est izay mampitohy an'i Antananarivo sy Toamasina. Amboarina ary ho kojakojaina ny lalam-by mba ahafahana mamerina ity zotran-dalamby TCE ity ary ny taona 2021 izao no voalaza fa hiverina tsikelikely izany zotran-dalam-by TCE izany, ka Moramanga - Toamasina aloha no hisokatra voalohany, raha ny fizaram-baovao voaray farany. Vinaniana tokony hampidi-bola be satria toerana maro no mamokatra nefa tsy tongan’ arabe amin’iny faritra iny. Ahitana lalan-dratsy ny faritra sasany. Tokony hampivoatra ny fizahantany ihany koa satria maro toerana tsara toa an'Ambila lemaitso, Tampina, Ankarefo ary manana moron-dranomasina sy torapasika mbola mahatamana ny toerana. Andrasana araka izany ny fanarenan’ity zotra ity ny toekarena saingy miankina amin’ny fahaizan’ny mpitondra sy mpitantana ihany moa no ahatongavana amin’izay.

J. Mirija